විදුහල්පති පණිවිඩය
කරන්දෙණිය මධ්ය මහා විද්යාලය
අතිශය සාඩම්බර ඉතිහාසයකට උරුමකම් කියා පාන කරන්දෙණිය මධ්ය මහා විද්යාලය හැත්තෑ අට වන වසරට පියවර ඔසවන මේ නිමේෂයේ ඒ වෙනුවෙන් නිකුත් වන සමරු කලාපයට ශුභාශින්සන පණිවිඩයක් නිකුත් කරන්නේ අවචනීය ප්රහර්ෂයෙනි
ලක් විදු අඹරෙහි පෑයු උදුල තාරකාවන් වන් වූ කරන්දෙණිය මැදි විදුහල දසක හතක් පුරාවට ජාතියට උරුම කළ දායාදයෝ අප්රමාණය.දෙස විදෙස නන් සේවන්හිනියුතු දූ පුත්හු අප විදු මෑණියන්ගේ කිතු ගොස සුපතළ කරති.විද්යාලයී අභිවර්ධනය වෙනුවෙන් අතීතයී පටන් අද දවස දක්වා තම කාලයත් ශ්රමයත් ධනයත් එක සේ කැප කළ පුරෝගාමියාගේ මෙහෙවරද මෙහිදී බැති බරව සිහියට නගමි.විදුහල්පතිවරුන්,ගුරුවරුන්,ගුරුවරියන්,ආදි සිසු සිසුවියන්,සුබ පතන්නන්,දෙමාපියන්,මෙහි ප්රමුඛ කාර්යභාරයක නියුතුවූවන් ලෙසින් මාගී භක්ත්යාදරයට පාත්ර වෙයි.
ඇල්පිටිය අධ්යාපන කලාපයේ පෙරමුණ ගෙන සිටින අප පාසල අධ්යාපන සෞන්දර්ය,ක්රීඩා,විෂය සමගාමී හා විෂය බාහිර සියලු කර්තව්යයන්හි පෙන්වා ඇති ප්රගමනය සාධනීය එකක් බැව් කිව යුතුම ය.කලාප,දිස්ත්රක් හා සමස්ථ ලන්කා මට්ටමින් කරන්දෙණිය ජාතික පාසල අද දවසේත් පෙන්වනුයේ අතීතයේ පටන් පැවති අඛණ්ඩ ජයග්රහණාවලියක පෙර මග සලකුණු ම ය.
ගුණ නැණ බෙලෙන් යුත් දූ පුතුන් තැනීමට වෙහෙසෙන විද්යාලයීය අධ්යයන හා අනධ්යයන කාර්ය මණ්ඩලයන්හි සියලු දෙනා ද මෙහි ලා කෘතඥතා පූර්වක ව සිහිපත් කරමි.රට දැය සමය වෙනුවෙන් යුග මෙහෙවරක යෙදෙන්නට සමත් දූ පුතුන් බිහි කරන්නට කරන්දෙණිය විදුහල් මෑණියන්ට දිරිය සවිය බලය ලැබේවායි මා පතන්නේ සුපහන් හැගුමෙනි.